Ka Teboho Moloi
QWAQWA- Sebuhudi sa seyalemoya sa Lesedi FM, lekgotleng la kgaso la Africa Boroa Veli “Mvololo” Moloi o phatladitse ha a tla ‘adopta’ le ho beha mahetleng a hae tse ding tsa dithloko tsa barutwana ba sekolo sa Moteka mahetleng a hae, nakong eo a na etetse barutwana ba sekolo sena ka Labohlano la 14 Phato.
Moloi ke morutwana wa mehleng sekolong sena, mme o re o bone ele toka hore a kgutlisetse setjhabeng ka tsela ya ho kgothatsa barutwana ba hajwale ka mantswe ‘motivation’ ho hlola le bona letsatsi lohle ba shebisana phepetso tsa bophelo le ho shebisana ditharollo diphepetsong tsa hajwale tse ba tobaneng le tsona.
Moloi o re ho fihlile thlokomelong ya hae hore bongata ba barutwana ba qeteletseng ba sa sebetseng hantle thutong tsa bona, ke hobane ba hloka tsheyetso.
“Ba bang ha ba fumane mantswe feela a dikgothatso ho tswa ka malapeng hoba batswali ha bayo kapa ha bana nako, ha ba bang ba sa dumele hore ba na le bokamoso hoba ba bona eka maphelo a bona a fella feela motseng moo ba phelang mohlomong tlasa maemo a bofuma.
Jwale ba lokela ho tseba hore ke ka thuto feela menyako eka bulehang hosa natse o tswa lapeng le jwang,” o rialo Mvololo.
O re o na lekae ho ba kgothaletsa ho tiiseletsa thutong le hose wele lerabeng la hoba makgoba a dithithifatsi empa ho fetola maphelo a bona ka thuto.
“Kajeno re bo mmamoratwa setjhabeng empa re tswa hona dikolong tsena hara motse. Jwale ke batla ba tsebe hore toro e nngwe le e nngwe eya kgonahala hore e fihlelehe,”
O re o tlo netefatsa ho thusa haholo ba sehlopha sa Matric, nakong eo ba etsang dikopo le boingodiso ho ya ditsheng tsa thuto e phahameng le ho tlisa tlhodisano tsa dipapadi tse fapaneng jwaloka bolo ya maoto le ya matshoho.
