Ka Teboho Moloi Q
QWAQWA- Letswalla ebile ele motjha wa motsana wa Slovo Park lehaeng la mehleng la Qwaqwa eo eleng rametlae ya tummeng ebile ana le bolatedi bo fetang million dikgokahanyong tsa dipuisano tsa setjhaba (social media), Setjhaba “Tjabination” Rasekhobo o re ho sebedisa ka tsela e nepahetseng le ka hloko dikgokahanyo tsena di fetotse bophelo bah hae.
Rasekhobo o na qalelle ka di kgatiso tsa metlae ya hae, moo a bonwang a bapala jwaloka sebohudi se tummeng sa seyalemoya sa lekgotla la kgaso la Africa Borao Lesedi FM Thuso Motaung.
O re lerato la hae la nako e telele hore ebe sebapadi sa kalaneng se tummeng, ke lona le mo susumeleditseng ho etsa dikgatiso tsena kaha o na sa sebetse mme ka hona hoo ona ipetlela tsela ho kena kahara industeri ena.
“Ngwaneso ke qadile hantle ka lock down dilemong tsabo 2020, kaha kela iphumana kena le nako e ngata matshohong aka mme social media le mohala waka wa thekeng ele tsona dintho tse ke neng ke qeta nako ho tsona.
Ka bona monyetla hoka thabisa batho le ho tswellisapele toro yaka pele ka hatisa metlae yaka moo, ” Rasekhobo.
O re lerato la hae la ho mamela seyalemoya le mo susumeditse ho kgetheng mofuta wa kgatiso tsa hae.
“Hantle ke ne ke batla ho fana ka setshwantsho seo nna kene kena le sona mohopolong waka hore ebe ntate Motaung o etsa eng ha ntsa hasa lenaneo,”
Hajwale Rasekhobo ke sebapadi sa ditshwantshiso televisioneng moo a nkang karolo paleng ya morao tjena “Spy Makhelwane” kalaneng tsa DSTV.
O hlokomedisitse batjha ho sebedisa dikgokahanyo tsena ka hloko hoka ithehela menyetla ya mesebetsi le hoba sedi haholo hore ebe ke eng ba e phatlalatsang maqhepeng a bona a dikgokahanyo.
“Batjha ba lokela ho ela hloko hore maqhepe ao a bona ke di CV ka tsela e ngwe hoba ebang re batla hotseba, ho etela maqhepe a hao ke karolo jwalo feela le boramosebetsi,”
