Ka Teboho Moloi
QWAQWA – Lekgotla la dinyewe la Phuthaditjhaba le ahloletse moqusuwa wa peto a dilemo di 44 ebile ele ntate wa madi wa lehlatsipa lene le le dilemo di 12 ka nako ya peto, ho hohla dilemo tse 18 tjhangkaneng ka Mantaha wa la 23 Hlakola.
Mabeta enwa ona llelwe ke ditshepe ka selemo sa 2024, kamora hore tlolo eo ya molao e tlalehwe seponeseng.
Mmuelli wa seponesa Warrant Officer Mmako Mophiring o re lehlatsipa eleng moahi wa Bluegumbosch, o na bolellla seponesa ha ntate wa hae a dula a mo beta kaha ba robala moalong o le mong le ntate eo wa hae.
Lekgotla leile la utlwa ha ntate enwa ana tswelapele ho beta ngwana enwa, le ha a tla be a bapala le bana ba bang homo bitsetsa ka tlung.
Lehlatsipa ha leya tloha le tlalehetse mmae empa ho bolellla motswalle wa hae eo ala tlaleha taba eo seponeseng.
Nyewe ena ene fuputswa ke Warrant Officer Hlubi wa lekala la mafokisi la Phuthaditjhaba, le ho tjhotjhiswa ke Nteo tlasa magistrata Msimanga.
“Kahlolo ena e romella molaetsa o hlakileng hore molao le toka o tla dula o sebetsa tlolong tsohle tsa molao haholo tse kgahlano le bana le basadi,” Mophiring.
Ha ditaba di sa le jwalo mmuelli wa botjhotjhisi ba naha Free State Mojalefa Senokatsane o re ba amohela kotlo ena ebile e tihisa nthla kemo hore ba malalaotswe ho lwantsha tlhekefetso ya bong (GBVF), ka kutlwisiso ya ditlamorao tseo mofuta ona wa tlolo tsa molao onang le tsona ho mahlatsipa, ditho tsa lelapa le setjhaba ka karetso.
