Ka Teboho Moloi
QWAQWA- Nyewe kgahlanong le Thembi Nkosi Mkhwanazi 31, ya polao e sehlooho ya mosadi wa hae e kgutliseditswe morao hofihlela kgwedi e tlang.
Tebello ke hore ka Labobedi lala pele Phupu o tla etsa kopo ya semmuso hore a lokollwe ka bail.
Mkhwanazi o satswa hlahella ha kgutshwane ka Mantaha 23 Phupjane 2025, kapela magistrata Phuthaditjhaba, sena se latela ho inehela ha hae seponeseng kamora hoba palehong.
Seponesa sene senetefatse ha setopo sa mosadi wa Mkhwanazi se fumanwe ka tlung ya hae, ka leqeba le tshabehang hlohong ka Labone la 20 Phupjane.
Mmuelli wa seponesa Captain Loraine Earle ore seponesa se ile sa bitsetswa lapeng moo kamora hore mora wa lehlatsipa a fumane setopo sa mmae, ka hara letamo la madi ka hara bate e hlapelang.
Earle ore ba atlehile ho hapa sebetsa seo ba dumelang se sebedisitswe ketsahalong ena.
