Ka Teboho Moloi
QWAQWA – Monna ya dilemo di mashome a mane a metso e mehlano o lebelletswe ho hlaha ka pele ho magistrata wa Phuthaditjhaba ka Mantaha 23 Phupjane moo a tobaneng le qoso ya polao ya mosadi wa hae a dilemo di mashome a mane a motso o mong.
Seponesa sa Free State se netefaditse ha monna wa mosadi a dilemo di 41 ,wa Riverside Qwaqwa, eo setopo sa hae se fumanweng ka tlung ha hae, ka leqeba le tshabehang hlohong ka Labone 20 Phupjane a lletswe ke ditshepe.
Melaelwa enwa wa polao o tlalehwa haesale ale palehong, hotlaha mohla letsatsi la ketsahalo ho fihlela a inehela hoba molao.
Mmuelli wa seponesa Captain Loraine Earle ore seponesa se ile sa bitsetswa lapeng moo kamora hore mora wa lehlatsipa a fumane setopo sa mmae, ka hara letamo la madi , hará bate e hlapelang.
Earle o re ba atlehile ho hapa sebetsa seo ba dumelang se sebedisitswe ketsahalong ena.
