Ka Teboho Moloi
QWAQWA -Seponesa se netefaditse ha se atlehile ho kwalla monnna ya dilemo di 26 ya belaellwang ka polao ya Lovey Ntsane(35) ya fumanweng a bolailwe setsheng sa mabenkele Setsing pejana bekeng ena ka Labobedi 03 Hlakola.
Mmelaelwa enwa o qhauditswe ke seponesa kamora ho ba palehong ka Labone la la 05 Hlakola, ho latela letsholo la ho tsomana le yena.
Hoya ka seponesa mofu Ntsane o fumanwe dihoreng tsa thapana tsa bo18:00 a na le maqeba a ho hlabua ka thipa sefubeng, le ho netefatswa a timetse hang-hang.
Le hoja mmuelli wa seponesa Warrant Officer a hlalositse ha sesosa sa polao ya hae ele sefe, diphuputso di tswelapele mme mmelaelwa o tlo qoswa le ho tobana le qoso tsa polao nakong eo a tlanne a hlahella ka pela lekgotla la magistrata la Phuthaditjhaba ka Labohlane lala 06 Hlakola.
