Ka Teboho Moloi
QWAQWA – Molekgotla wa mokga wa African Content Movement (ACM) masepaleng o ditaba di hanang ho feela Ntsoaki Makgalemele o hlahletse nyewe ya ho otlwa ke molekgotla wa ANC Mabitle Moloi seponeseng sa Phuthaditjhaba ka Labone la 26 Thlakubele 2026.
Sena se tla kamora morusu o la ropoha kopanong ya lekgotla la motse, ene ikgethile holong ya Phuthaditjhaba ho tla tshohla mohato wa ho hloka tshepo ho majoro wa mehleng Malekula Melato le ho mo ketola setulong.
Makgalemele o re Moloi o mo hlasetse le ho mo otla ka tafole nakong eo banna ba babedi ba neng ba itshohlometsa kahara kopano ho baka morusu le ho qalella ho senya thepa ya masepala.
“O na mpona hantle hoba ke laba ka mobotsa hore o ntsekis’ang le hore ke hobaneng a nkotla, empa o la tsheha feela,” Makgalemele.
O re o swabisitswe ke boitshwaro ba Moloi ka ha ele ntate a moholo eo yena esale a mo hlompha.
“Eya phoqa ebile ke swabile hore ntate Moloi o ntlhasetse ha na loketse ho ntshireletsa nakong eo ditlokotsebe di neng di re hlasela re le balekgotla,” ho eketsa Makgalemele.
O re o batla toka e phethahale le ho ipiletsa ho basadi bohle ho se tshabe ho tlaleha tlhekefetso kapa thlaselo efe kapa efe le ka malapeng.
