Ka Teboho Moloi
QWAQWA -Moahi a phelang ka bo qhwala le ho kganna wheelchair, o ikanne hotswelapele robala kantle ho dikantoro tsa ntlo-kgolo ya masepala o dulang ole ditabeng wa Maluti-a-Phofung tse Qwa Qwa, hofihlela masepala o lokisa tsela eo esale oe tshepisa ho elukisa.
Pule Ratselane o qaleletse ho robala kantle ho dikantoro tsa masepala ona hotloha ka Mantaha 27 Motsheanong, le ho fumanwa ka kobo ya hae maemong ana a batang a mehatsela.
Hoya ka Ratselane o nkile qeto ho robala kantle ho dikantoro ele maiteko a hore a fumane dikarabelo hotswa ho botsamaisi ba masepala ona ka tsela elebang ha hae Kudumane eo e fetohileng lengope.
O re haesale atlelehele masepala le ho etsa kopo hore tsela eo e lukiswe dilemo tse supileng tse fitileng.
“Jwale kaha o bona hore ke motho a sebedisahg wheelchair, hake kgone ho tsamaya tseleng eo. Ke qobelaha ho hira koloi ka nako tsohle hoya teropong ,clinking kapa kae kapa kae ,ka tjhelete e siko hoba hake sebetse, “ho rialo Ratselane.
Ratselane ore ka Mmesa masepala ono mofe lengolo le tekenweng kala 30 Mmesa , le hlalosang ha batlo qalella ka ditukiso tseleng,empa ore masepala otshetse majwe feela ao a bakileng hobe thatha hofeta hore aka sebedisa tsela eo.
Haditaba disale jwalo o re o tlo dula a robala masepaleng hofihlela a kopana le majoro le ho fumana netefaletso ya tukiso ya tsela eo hoba maemong ao aka kgonang hore ae sebedise.
“Maemo ana a mabe a tsela ena , ha a ame nna feela empa setjhaba ka kakaretso. Hare bua tjena sekolo sa Khotsong se kwetswe ka lebaka la tsela ene dula e tletse metsi bana basa kgone hoya sekolong le dikoloi di hloleha ho feta,ebile e boyetse e amme hampe dikgwebo tse ngata motseng wa habo,”o eketsa tjena.
Masepala o tshepisitse ho arabela nthleng ena, le ho kopa ho nehelwa nako ho etsa diphuputso.
