Ka Teboho Moloi
QWAQWA -Kopano ya lekgotla la motse e ikghethileng ya Maluti A Phofung ene dutsi holong ya Phuthaditjhaba multipurpose ka Labobedi 29 Phupu, e boyetse e laetse hore ho ngollwe letona la metsi hotla arabela phareleng ya metsi tikolohong ena.
Sena selatela maikutlo a bontshang ho phoqahala ha setho sa Economic Freedom Fighters Chickota Mkhwanazi, hore kopanong e fitileng ya lekgotla e ne e nke qeto hore keemedi ya Vaal Central e tlaba teng kopanong e ikghethileng e tla latela ya lekgotla ho tla arabela mathateng a metsi.
Hoya ka motsamaisi wa dipuisano MandleNkosi Dlamini, lekgotla la motse le emetse thlakisetso hore ho etsahalang ka maemo a diprojeke tse 21 tsa metsi, thlakisetso ka tshebediso ya ranta tse million tse 100 tsa ditukiso, ranta tse billion tse 2.1 hammoho le projeke tsa marangrang a dikgwerekgwere.
“Ke nako jwale hore letona a ngollwe a tle kapela lekgotla lena la motse hotla fana ka dikarabelo. Ho hlakile hore Vaal Central e hlolehile hotla araba, jwale ke nako hore letona atle ka boyena,’Dlamini.
Dlamini o bontshitse ho bonahala ekare hona le batho ba ithuhisang ka matlole a reretsweng diprojeke tsa masepala lebitsong la baahi.
“Mohlala hare tsebe hore dimillion tse 100 tsa diranta di sebediswa kae. Tjhelete eo hobaneng e satle e wele masepaleng,’ ho eketsa Dlamini.
Haditaba disale jwalo Mkhwanazi o tshoseditse hore e le EFF batlo emisa tshebetso efe kapa efe ya basebeletsi ba Vaal Central pele thlakisetso ya hore tjhelete e sebeditse kae. Hajwale boholo ba metse hopotoloha le tikoloho ya Qwaqwa bo ntse bo sena metsi.
Motsamaisi wa masepala Advocate Motsoahae Mofokeng o boleletse kopano ena hobane balebeletse hore mathata ana, a batla a ile ka theko ha jwale empa tshitiso e bakilwe ke ho phahloha hape ha peipi e kgolo e satswa hokelwa, kamora ho hatwa ke koloi. Mofokeng o seholotswe ka bohale ke ba lekgotla hore, o lahlehisitswe kamora ho tlaleha ha metsi a tswa Makwane ntle le karolo ya Pereng.
“Re phoqwa ke Vaal Central empa kese ke ngoletse lefapha la naha la metsi hore karolo e ngwe ya tjhelete e nehelwe masepala ka kotloloho,” Mofokeng.
One Response
Ho makatsa haholo ha e le hona ba tsamaisi ba masepala wa MAP e le hona ba dumelang hore boholo ba baahi ba QwaQwa ha ba fumane metsi. Ho utlwisa bohloko hore le ka puso ya demokrasi batho ba ntse ba phela ka metsi a sediba le pula. Ba kgonang ba ithekela dijojo tsa metsi.
Puso ya rona e reng ka batho ba kobo di mahetleng? Bothata ke metsi le motlakase.
Tharollo ke hore masepala o qhalwe, setjhaba se kgethe batho ba ikemiseditseng ho rarolla mathata a bona.