Ka Teboho Moloi
QWAQWA -Mongodi kakaretso wa komitti ya phethahatso ya dikereke tsa tumelo ya bo kreste wa Federation ya baruti ya Maluti Reverend Matebese Lakaje, o re ke nako jwale hore setjhaba, dikereke le baruti ba qalelle ho rapella ho fela ha diketso tsa tlolo tsa molao tse soto tse jeleng setsi.
Lakaje o na bua kopanong ya komitti ena meahong ya kereke ya Showtel Riverside ka Labone 18 Lwetse.
O buile ka ngongoreho e kgolo ya dipolao, dipeto, thlekefetso tsa bana le basadi ho kenyeletsa le ditlolo tsa molao tse jang setsi letsatsi le tjhabang le le dikelang.
“Re le federation re lentswe le leleng mme re eme kgahlano le ketso tsa tlolo tsa molao dife kapa dife. Mme re tshehetsa toka ka mehla le ho tla ka thuto le lentswe la Molimo le kgothaletsang ho phela ka kgotso le hose tlole melao e supileng,”Lakaje wa hlalosa.
Hoya ka mmuelli wa federation Moruti Martin Tsatsa bana le ponelopele ho tlisa kopano ka hara dikereke tsohle ho sebedisana mmoho, ho kgothaletsa bophelo bo botle bonang le kgotso le kgutso. Tsatsa o behile molato tse ding tsa diqeto tsa mmuso ele sesosa sa ho ata ha tlolo tsa molao, boitshwaro bo bonahalang bo fosahetse hara setjhaba le ho ata ha diketso tse tshosang ebile disa tlwaeleha.
Leha ho le jwalo ore ase toka ho beha molato ka botlalo ho democracy, kaha ditokelo tsa botho ditsamaisana le maikarabelo.
“O re bao ba nkang maphelo a batho ba kgahlano le molao wa democracy wa naha ena, ka honka tokelo ya motho emong ya ho phela ebile ba kgahlano le molao wa bokreste hore oseke wa bolaya,”ho rialo Tsatsa.
Federation ere Komitti e tlo nka dilemo tse tharo ditulong,mme ha etlonka tshekamelo mekgeng ya dipolotiki.
Komitti ya federation ena e thehilwe ka ditho tse 17 Mme Komitti ya phethahatso e kenyeletsa Moruti Masopha Tsunami jwalo ka modula setulo, motlatsa hae Sekete Nchabeng, mongodi kakaretso Rev Matebese Lakaje, letsholo la hae Moruti Lydia Hlalele, motshwara matlotlo Moruti Matheko Mofokeng, diphatlalatso moruti Martin Tsatsa le moruti Mokena Malimabe jwalo ka offisiri ya Equ-conomical .
