Ka Teboho Moloi
QWAQWA-Letona la bophelo Monyatso Mahlatsi ebile karalo ya tshebeletso e ikghethileng ya thapelo ya Showtel Bible Church Riverside Qwa Qwa ka Sontaha 21 Lwetse meahong ya kereke ena.
Tshebeletsong ena baruti hotswa diphuthehong tse fapaneng tsa kereke ya tumelo ya bokreste ba eteletswe ke moruti Mokena Malimabe wa Showtel ba rapeletse mmuso, bao ba ditulong tsa boetapele,marena le ditshita tsa hajwale tse tobaneng le setjhaba.
Baruti le bao baneng bale tshebeletsong ena ba boyetse ba rapella kgotso , ho fihla pheletsong ha tshebediso ya dithithifatsi hara batjha , ntwa tsaka malapeng hammoho le dipolayano tsa bana le basadi.
Hoya ka moruti Malimabe hona le tlhokeho ya hore maemo ana a hajwale ao a tshosang setjhaba nakong tsa hajwale ebile ele diketso tse sa tlwaelehang a nehelwe matsohong a Molimo bakeng sa tataiso.
O re ka nako tse ding setjhaba selebeletse dikarabelo tsohle maemong ana ho bao ba eteletseng pele puso empa ba lebala hoba kopela matla ka dithapelo.
