Ka Teboho Moloi
QWA QWA- Letona la lefapha la bophelo Free State Monyatso Mahlatsi o re lefapha le ipehetse palo ya ho thusa bakudi ba 175 banang le bothata ba mahlo le pono matsatsing a mararo ele ho fokotsa dipalopalo tse thibang letsatsi tsa bakudi ba ntseng ba emetse dithuso tsa ho etswa di operation ke lefapha.
Mahlatsi o buile sena ketelong ya hae ho etella pele letsholo le ikgethileng la lefapha le reretsweng ho fokotsa lenane la bakudi.
“Re bua tjena ka hara setereke sena sa Thabo Mofutsanyana, rena le palo ekalo ka 2800 ya bakudi bantseng ba emetse ho thuswa ka di operation tsa mahlo,” Mahlatsi wa hlalosa.
O re mabaka a kenyeletsang tlhokeho ya dingaka ke karolo ya mabaka e bakileng ho ema ha bakudi.
Hajwale bakudi ba fumana monyetla ho bona ngaka ya mahlo ka matsatsi a ikgethileng feela. O ekeditse ka lereng dithuso tsena tsa mahlo dikgutlisa serithi sa botho ho mokudi.
