Ka Teboho Moloi
BETHLEHEM – Lekala le fuputsang ditlolo tse hlokolosi tsa molao profensing ya Free State la di Hawks le boetse le qhauditse lefokisi la sepolesa sa Afrika Borwa le dilemo di 58 la Fouriesburg, le sebetsanang ka boshodu ba diphoofolo ka Labohlano lala 29 Pudungwana.
Lefokisi lena le lletswe ke ditshepe kamora hore mafokisi a di Hawks a sale tlhaiso leseding ya lekala la mautlwela ka pelaelo ya botlokotsebe bo etsahalang lapeng la hae.
Ho sale jwalo ho fihleng hwa bona ka lengolo laho phenyekolla(search warrant) ba fumane thepa yeo hoya ka molao wa sepolesa esa lokelang hotswa kahara dikantoro kapa hona hoba matsohong a setho se feng kapa se feng sa sepolesa ntle le tumello.
Hoya ka mmuelli wa di Hawks Free State Fikiswa Matoti, lefokisi lena le qhautswa tjena lekgetlo la bobedi kgweding ele nngwe (Pudungwana) ele ha lekgetlo la pele teng a ile a fumanwa ka sethunya se seng molaong, mme a llelwa ke ditshepe le hoja hamorao a ile a lokollwa ka bail.
Hara tse fumanweng lapeng la mmelaelwa ho kenyeletsa di docket tse sokang di phethelwa, mahlaahlela, mekotla ya bopaki e tshetseng mehala ya thekeng le di registara tsa mapolesa hara tse ding.
Bopaki bohle bo kgutletse matsohong a sepolesa ele hore hotlo etswe diphuputso tse tswellang.
Tebello ke hore o tla hlahella kapela lekgotla la magistrata la Bethlehem haufinyana a qoswa ka hoba le mahlaahlela a seng molaong le thepa e belaellwang ele ya boshodu.
