Ka Teboho Moloi
QWAQWA- Letona la lefapha la bophelo Free State Monyatso Mahlatsi o re, o ngongorehile ke dipalopalo tse nyolohang tsa batho banang le tshwayetso ya lefuba ho potoloha le profense.
Mahlatsi o hlalosa hore profense e tobane le bothata ba bakudi ba qalang leeto la bona ho fumantshwa pheko ya lefuba empa ba be basa qete leeto leo.
O entse tlhokomediso ya kotsi ya ho se qete leeto lena ho fumana ditlhare tsa lefuba, ke hore e kgutla ese ele kotsi e menahane ele MDR. Bakudi ba lefuba ba behelwa dikgwedi tse tsheletseng honka ditlhare ho lwantsha tshwayetso ena.
O hlalositse ha ele lefapha bale mathuleng a ho fedisa mela e melele ditsheng tsohle tsa bookela hopotoloha le profense le ho etsa ditshebeletso tsa bona hoba tseo bakudi ba sa emeng mela emelele haba etela ditsha tsena.
O hatiseleditse ka hore hofihlile thlokomelong ya bona hore babang ba bakudi ba qetella ba ngadile ditsheng tsena, nakong eo ba latang ditlhare tsa bona ka lebaka la mela eo.
Baahi ba tletleba ka tshebetso e monyebe ya basabeletsi ba lefapha ditsheng tsena, tshwaro esenang tlhompho le botho ekasitsana le palo esa kgotsofatseng ya basebeletsi ba bophelo.
Ka holeleng basebetsi bare bana le kgatello e kgolo ya mosebetsi moo ba lebeletsweng ho thusa palo e holimo haholo ya bakudi mooki ka mong.
“Kennete lefapha lena le kgaello ya baoki empa rentse re nehelana ka ditshebeletso ho baahi ba rona tsa manthla. Lebakabaka le leholo ke maemo a moruo Mme ke nako jwale hore baahi le bona balese ho tsheyetsa dikgwebo tsa batho bass pataleng lekgetho,” Mahlatsi.
O eketsa ka hore ha meralo ya bona ekenyeletsa mekgwa etlo potlakisa ho fumaneha ha ditlhare bakeng sa mafu asa phekoleheng ka potlako ntle leho fola mela ke ba amohedi ba ditlhare tseo.
“Maikemisetso a rona nnete feela ke hore bakudi ba rona ba nke nako e katlase ho hora feela nakong eo ba etetseng ditsha tsa rona tsa bophelo, batho haba lokela ho iphumuna ba qeta letsatsi lohle ditsheng tsa kokelo,”ho eketsa Mahlatsi.
