Ka Teboho Moloi
QWAQWA- Mongodi wa mokgatlo wa makomonisi seterekeng sa Thabo Mofutsanyana Lifa Mhlambe o tshireleditse qeto ya mokga wa habo hore o tlo iketa dikgethong tsa monongwaha tsa makgotla a metse ka ho kena lebelong le baikemetseng, le ho se tsheyetse mahata mmoho a nako e telele le bona ANC ka lereng ba batla ho netefatsa hore ditshwanelo tse nepahetseng tsa phano ya ditshebeletso di fihlella setjhaba sohle.
Mhlambe o boletse ha ho fihlile thlokomelong ya bona hore, hona le boshodu bo tutileng ba matlole a mmuso a reretsweng ho ntlafatsa maphelo a maAfrika Boroa le phano ya ditshebeletso, empa a sa sebedisetswe hoo mme hona le bao ba ithuhisang ka ona.
O re bona le ANC entse ele mahata mmoho empa ba keke ba dumellana le diqeto tse kgahlano le maano a selekane le a bona jwalo ka makomonisi.
“Eo a se patuwe hore ebang hona le tsamaiso e kgahlano le maano a rona rele SACP retla dula rele kgahlano le seo,” Mhlambe.
O pharile ba pusong hajwale haholo makgotleng a metse ka boshodu, bobodu leho hloleha ho nehelane le ho potlakisa phano tsa ditshebeletso setjhabeng.
O re ele SACP ba batla ho fedisa boshodu le bo fumane ke ka hoo bakeneng lebelong la ho iketela dikgetho tsena baikemetse.
O hlalositse hore le hafeela bakekeng ba nka puso ya makgotla ana ka ho phethahetseng empa karolo eo ba loketseng ho e bapala ke ho netefatsa hore, batho ba fumana phano ya ditshebeletso tse nepahetseng ka nako tsohle.
“Boshodu bo boholo ntate dimasepaleng mona, hona le ditjhelete tse ngata tse tswang, tse tshwanetseng hore di ye ditshebeletsong empa hadi finyelle moo,”
