Ka Teboho Moloi
QWAQWA- Mohlanka wa mokgatlo wa mmuso wa Love Life seterekeng sa Thabo Mofutsanyana Diau Motholo, o re batjha ba ntse ba na le lesisiteho le leholo ho etela ditsha tsa bophelo haholo dibakeng tsa mahae ho sa natse programo ya mmuso e ntjha “Youth Zone” ditsheng tsena.
Motholo o re leha mmuso o tlile ka programo ena ya batjha ho kgothaletsa ketelo ya bona ditsheng tsa booki, dipalopalo tsa bao ba etelang ditsha tsena di sale tlaase haholo.
O hlalositse ha Youth Zone ena le dihora tse beheletsweng ka thoko mahareng a hora ya 14:00-16:00 thapama hore batjha ba etelang ditsha tsena ba fumantshwe thuso ntle leho fola mela.
“Nnete ke hore boholo ba batjha bao maphelo a bona a itshetlehileng ditlhareng tseo ba di fumanang ditsheng tsa booki, ba difaulta ka lebaka la ho emisa ho lata dithare tsa bona ka lebaka la mela e melele,” Motholo.
Motholo o behile molato ho thlokeho ya basebetsi ditsheng tsa booki, kutlwisiso ya programo ena hotswa ho baoki le bakudi ba bang ekasitana le mokgwa oo bakudi ba tshwarang batjha/bakudi ka teng ha bale di cliniking.
Ha ditaba di sa le mothating ona ha a qhelela ka thoko hore kgatello ya metswalle e ntse bapala karolo ho batjha ba bang ho se nkeng dithuto le lesedi ka tsa thobalano hloohong.
Mmuso hajwale ona le maano a thuto ka tsa thobalano e bolokehileng a kenyeletsang phano ya dicondom le PreP hara maano a mang.
