Ka Teboho Moloi
QWAQWA-Barutwana sekolong se phahameng sa Mafube Phuthaditjhaba lehaeng la mehleng Qwaqwa Free State ba hlotse ba keteka BoAfrika letsatsi lohle ka Labohlano la 22 Motsheanong, ba kgabile ka meaporo ya setso, dipina le metjeko e kenyeletsang Kofifi dance, mangaye a sesotho, ditolobonya, ho ithoka le makolwane hollong ya sekolo.
Mosuwetsana ebile ele mohlophisi wa moketjana ona sekolong Bongiwe Butheleizi, o re ho fihlile thlokomelong ya bona hore bana ba bangata ba lahla botjhaba, setso le moetlo le ho sala ba sena tsebo kaha ba sa nehelwe lesedi ba sale dikolong.
Buthelezi o re ho hloka tsebo hona ho barutwana, ho kotsi bokamosong ba naha le ba Bana ka bo bona ke kahoo hobonahalang ba bang ba hloka taollo le thlompho.
“Rea leka re le sekolo hore bana ba itseba hore ke bo mang, ba tswa kae nalane ya bona ereng. Ebile mefuta ena e thusa haholo hore bana ba tsebe phapang mahareng a motswadi le ngwana, mosuwe le morutwana,” Buthelezi.
O hlalositse hore ho bohlokowa hore ba boyele ba ithute ka meetlo le tumelo tsa bo Afrika ka ho fapana.
Buthelezi eo e boyetseng e leng mohokahanyi wa lenaneo la tlhodisano ya lefapha la thuto HESOP (Heritage education schools outreach) o phatlaladitse ha monongwaha sekolo sena le kemedi ya barutwana ba bane tlhodisanong ena mme ba dumela ba tlo finyella makgaola-kgang boemong ba naha.
