Boetapele ba TMDM bo phethela dilemo tse hlano tsa tshebeletso

Facebook
X
LinkedIn
WhatsApp
Email
Boetapele ba TMDM.

QWAQWA – Ramotse wa Phethahatso wa Masepala wa Setereke sa Thabo Mofutsanyana (TMDM), Conny Msibi, o ipileditse boikokobetso, boikarabelo le boitlamo bo tswelang pele ba ho sebeletsa setjhaba ha nako ya dilemo tse hlano ya lekhotla le ntseng le sebetsa e fela, a akaretsa diphephetso le matsapa a kopanetsweng a bileng teng nakong ya puso ya bona.

Molaetseng wa hae wa ho dumedisa, Msibi o ananetse mathata a ditjhelete, dikopo tsa phano ya ditshebeletso le diphephetso tsa tsamaiso tseo masepala o ileng wa tobana le tsona, a totobatsa bohlokwa ba tshebedisano mmoho ho ntshetsa pele ditabatabelo tsa baahi ho phatlalla le setereke.

“Re tobane mmoho le mathata a ditjhelete, ditlhoko tsa phano ya ditshebeletso le diphephetso tsa tsamaiso. Leha ho le jwalo, ka tshebedisano mmoho le matsapa a kopanetsweng, re sebeditse ho sebeletsa setjhaba sa rona, ho tshehetsa bomasepala ba lehae le ho ntshetsa pele setereke sa rona,” ho boletse Msibi.

O lebohile makhanselara ka boitelo le seabo sa bona nakong ena, a totobatsa hore katleho ya boetapele bo tswang mosebetsing e lokela ho lekanngwa ka diphetoho tseo bo di tlisitseng maphelong a baahi le ka matla a ditheo tseo bo di sielang ba tlang ho latela.

“Ha re kwala kgaolo ena, a re etseng jwalo ka seriti, tlhompho le boitlamo bo tshwanang ba ho sebeletsa batho ba rona. Tekanyo ya nnete ya boetapele ba rona e tla bonahala ka phapang eo re e entseng maphelong a batho ba rona, ditheo tseo re di matlafaditseng le motheo oo re o thehileng bakeng sa ntshetsopele ya kamoso,” o boletse jwalo.

Modulasetulo wa Komiti ya Masepala ya Diakhaonto tsa Setjhaba (MPAC) ho TMDM, Setswana Chabeli, o dumellane le maikutlo a ramotse, a hlalosa dilemo tse hlano tsa tshebetso e le leeto la bohlokwa la ho ithuta le matlafaditseng kutlwisiso ya makhanselara mabapi le boetapele bo sebeletsang setjhaba.

Chabeli o lebohile baahi ba setereke, makhanselara mmoho le baetapele ba tsamaiso ya masepala ka seabo sa bona nakong yohle ya puso ena.

“Re leboha setjhaba sa Thabo Mofutsanyana, makhanselara le baetapele ba tsamaiso ya TMDM. Re tloha re le batho ba ntlafetseng, bao haholoholo ba ithutileng moya wa boetapele ba ho sebeletsa setjhaba,” ho boletse Chabeli.

O ekeditse ka hore lekhotla le tswang mosebetsing le entse seo le neng le ka se kgona ka disebediswa tseo le neng le na le tsona ho sebeletsa baahi le ho ntshetsa pele ditabatabelo tsa bona, a lakaletsa boetapele bo botjha mahlohonolo.

“Re entse seo re neng re ka se kgona ho sebeletsa batho ba Thabo Mofutsanyana. Re lakaletsa boetapele bo tlang mahlohonolo,” o boletse jwalo.

Ha masepala o itokisetsa ho amohela tsamaiso e ntjha, boetapele bo tswang mosebetsing bo hlahisitse tshepo ya hore lekhotla le letjha le tla tswela pele ho aha hodima mosebetsi o entsweng dilemong tse hlano tse fetileng, le ho etelletsa pele phano ya ditshebeletso, matlafatso ya ditheo le ntshetsopele ya setjhaba.

Leave a Reply

Your email address will not be published. Required fields are marked *

Bloemfontein
20/11
Fri
25°C
overcast clouds
Sat
daily_wether_icon
30°C
24°C
Sun
daily_wether_icon
34°C
24°C
Mon
daily_wether_icon
33°C
22°C
Tue
daily_wether_icon
27°C
30°C
Wed
daily_wether_icon
24°C
28°C
Thu
daily_wether_icon
27°C
32°C
Fri
daily_wether_icon
30°C
18°C
Related Posts
Boetapele ba TMDM
Read More
ANC Ward15 councilor Mabitle Moloi
Read More
Moeketsi Rahlao
Read More
20 November 2026
Sebuhudi sa mehleng sa ditaba Lesedi FM se timetse
QWAQWA- Ho latela phatlalatso ya ho timela ha mokaubere ebile ele sebohudi se tummeng sedikadikweng sa...
24 October 2026
MAP16 e thakgola mohoo wa dikgetho
QWAQWA-Mopresidente wa mokgatlo wa baahi wa MAP 16 Gilbert Mokotso o re diprojeke tse ngata tsa ntshetsopele...
23 September 2026
Sekolo sa Mohato se malala a laotswe bakeng sa dihlahlobo
Ka Teboho Moloi QWAQWA- Botsamaisi ba sekolo se phahameng sa Mohato bo re bona le tshepo hore monongwaha...
28 August 2026
Magashule o tla tseba ka bokamoso ba hae isao
Ka Teboho Moloi BLOEMFONTEIN –Tonakgolo ya mehleng ya Free State Ace Magashule o re lekala la naha...
20 August 2026
Kgalala ya kgaso “Mvololo” o kgutlisetsa setjhabeng
Ka Teboho Moloi QWAQWA- Sebuhudi sa seyalemoya sa Lesedi FM, lekgotleng la kgaso la Africa Boroa Veli...
30 July 2026
Basotho ba keteka Mongwaha wa bona o qalang Selemo
Ka Emily Setona QWAQWA – Ha lefatshe le itokisetsa kgwedi ya Phato, morupelli e moholo le hlooho ya Lefapha...
29 July 2026
Morena Moremoholo o hopola hore boreneng ebe sebaka sa botjhaba
Ka Teboho Moloi QWAQWA- Morena e moholo wa ntlo ya borena ba Bakoena ba Mopeli- Morena Moremoholo Motebang...
18 July 2026
Majoro o keteka metsotso e 67 ka dipapadi tsa maqheku
Majoro wa lekgotla la motse la Maluti-a-Phofung Tumelo Thebe o ketikile metsotso ya hae e 67 ho tlotla...
18 July 2026
Ramotse o aba ditokomane tsa matlo ele ho keteka letsatsi la Mandela
Ramotse wa Phethahatso wa Dihlabeng, Tseki Tseki, o qadile lenaneo la hae la Letsatsi la Mandela ka ho...
14 July 2026
Maqheku a seboko ka ho kgaoha ha motlakase mariheng ana
Ka Teboho Moloi QWAQWA- Maqheku le maqhekwana lebatoweng la bosupa motseng wa Makgalaneng ba re mohato...