Ka Teboho Moloi
QWAQWA- Morena e moholo wa ntlo ya borena ba Bakoena ba Mopeli- Morena Moremoholo Motebang Mopeli, o satswa etsa kgoeheletso ho mmuso wa Free State ho fetola sebaka sa bodulo ba mehleng ba baholo ba hae Namahadi moo e leng ntlo ya borena ha jwale ho fetolwa hoba sebaka sa naha sa botjhaba (heritage site).
Morena Moremoholo o re mohato ona e tlabe ele qeto e bohlale, e tlo thuso ka ho baballa nalane e nepahetseng ya borena le dithuto bakeng sa moloko o tlang, ebile ele e molemo hore o tsebe ka nalana ya ntlo ya borena le borena ka-karetso ekasitana le hoba sehopotso.
O dumela ha setjhaba se sa tsebeng moo setswang ho ba bobebe hoka kgeloswa.
“Ke toro yaka hore sebaka sena eka mmuso o ka se hlwaya le ho se fetola sebaka sa botjhaba. Nnete ke hore nalane e teng, eya phela kahara sebaka sena seo releng kahare ho sona,” ho rialo Morena Moremoholo.
Morena Moremoholo o hlalositse ha nalane ya sebaka sena e tloha lelokong la pele la borena moo, morena e moholo wa pele a neng a busa ka nako eo ele morena Ramatshediso Charles Mopeli, o dutsi sebakeng sena le ho busa setjhaba e ntse ele ntlo kgolo ya boreneng, le ba tlileng ka mora hae hoya ka meloko jwalo ho fihlela dilemong tsa hajwale moo yena a busang le leloko le tlang kamora hae sebaka sena e tlo dula ele boreneng.
“Ke bona ho le bohlokwa hore jwale reka boloka nalane eo ka kopanelo le mmuso hoka boyela ho fumana matlole hoka etsa tsohle tse loketseng hoka tshireletsa tulo ena, le ho netefatsa hore tseo di neng di sebediswa ka nako tseo di dula jwalo di tshireletsehile,” ho eketsa Moremoholo.
