Ka Teboho Moloi
HARRISMITH- Mongodi kakaretso wa federation ya baruti ya “Maluti Federation” Rev Matebese Lakaje o re dikarabo tsa diphepetso tsohle tse tobaneng le naha ena di itshetlehile mantsweng a supileng.
Lakaje o na bua nakong ya tshebeletso ya kereke ya keteko ya letsatsi la Paseka ke badumedi ba tumelo ya bokreste ka mantswe a supileng a sefapano, kerekeng ya Presbyterian Bafolisi Church of South Africa holong ya sekolo sa Sasamala Tshiame A.
Lakaje nakong ya thero ya hae o re e bang baahi ba naha ena baka tiya tumelong le ho tshepela ho matla a Modimo mathata a kenyeletsang a bobodu, tlolo tsa molao, tlhokeho ya mosebetsi hara batjha di ka feela hang-hang.
O ipileditse ho baahi hore ba nke thuto ya bokreste mme ba be jwaloka mora Modimo a la beha tumelo ya hae hohle le bophelo matshohong a Modimo ana le tumello.
“Ho bohlokwa hore maAfrika Boroa a ke dithuto tsa sefapano, badumela ho tsona mme ba fe Modimo menyetla hoka etsa mosebetsi mme ebe lesedi maphelong a bona,”Lakaje.
O hateletse hore ebang boetapele ba setjhaba, boradipolotoki le basebeletsi ba mmuso ba ka itshetleha tumelong le thutong tsa bokreste, maphelo a baahi ba naha ena e tlaba o bononolo le bo monate.
