Ka Teboho Moloi
QWAQWA -Le ha feela ba bang ba batswadi ba barutwana ba sekolo se phahameng sa Lekgulo ba kgotsofaditswe ke mohato wa botsamaisi ba sekolo sena, ho hlakisa pherekano ela rena le ho ropoha kampong ya sehlopha sa leshome bosiung ba laboraro wala 03 Phupjane, ba re mosuwehloho oi tjarisa mathata a seng a hae.
Ba buile sena holatela kopano ene tswerwe hollong ya sekolo tlasa botsamaisi, lekgotla la taollo ya sekolo batswadi le barutwana ka Sontaha 07 Phupjane.
Batswadi ba bile seboko ka polokeho ya bana ba bona ba kampong, tshwaro eo bareng ena le kgethollo, dithohako ebile ele e mpe. Sehlopha sa batswadi bana se bonwe hoseng wa Labone 04 Phupjane sekolong moo bareng bane ba batla ho fumantshwa tlhakisetso hotswa ho botsamaisi ba sekolo empa ba teya kalala.
Maditjhelete Mofokeng motswali wa morutwana sekolong ore oile a qobeleha hotla sekolong bosiu boo kamora ho fumana mohala hotswa ho ngwana, mme amo fumana le babang ka dithoto tsa bona hekeng ya sekolo ba batla ho tsamaya.
Kopanong eo mosuwehloho Kganye Kganye oboletse ha pherekano eo mohlamonene, elaba ka lebaka la hose utlwisisane feela hobileng teng mme ojara makarabelo ohle jwalo ka mosuwehloho.
Empa batswadi nakong ya kopano ba supile molato ho motlatsa mosuwehloho mme bare ona loketse ho ema kapela kopano ho kopa tshwarelo. Mofokeng o re ba thabetse mohato wa botsamaisi ho bitsa kopano ya batswadi hotla ka tharollo empa ba bona mosuwehloho a tshireletsa ho feta tekano mesuwe ya sekolo.
Nkopane Mokoena emong wa batswadi o lentswe leng jwaloka bongata ba batswadi hore ba kgotsofaditswe ke kopano e bitsitsweng ke botsamaisi empa feela a phoqiwe ke bosiko ba keemedi ya setereke lefapheng la thuto.
“E nngwe e ne ree batla ke hore monga molato e leng motlatsa modulasetulo a eme ka bo yena a kope tshwarelo ho rona batswadi eseng mosuwehloho a mojarele molato,” Mokoena.
