Ka Teboho Moloi
QWAQWA- Lekgotla la lebatowa la dinyewe la Phuthaditjhaba le ahloletse mabeta Nhlanhla Anthony Mngomezulu ya dilemo di 20 wa motse wa Naledi tjhangkaneng dilemo tse 36, kamora ho fumanwa ale molato ka peto ya motswala wa hae le lehlatsipa le tlase dilemong ka Labohlano 16 Mmesa.
Sena se latela tshebetso ya lekala la sepolesa le sebetsanang ka kotloloho le tshireletso ya bana, dintwa tsa ka malapeng hammoho le ditlhekefetso tsa motabo Phuthaditjhaba ka kopanelo le lekala la naha la botjhotjhisi.
Boleleng ba nyewe lekgotla le utlwile ha kala 03 Pudungwana 2024 Nhlanhla a ile a fihla lapeng habo mme a fumana motswala wa hae a ntse a hlapa le homo tsohela matla kaho mohlaba ka thipa diropeng pele a mobeta.
Mmuelli wa seponesa Warrant Officer Mmako Mophiring o re Nhlanhla o na llelwa ke ditshepe leho pharwa ka molato wa peto matsatsi a mabedi kamora ketsahalo eo leho lokollwa ka bail ke lekgotla.
Mophiring o re o la boyela a lellwa ke ditshepe ka qoso ya peto hape, ya lehlatsipa le tlase dilemo moo ha kala 27 Pherekgong 2025, Nhlanhla a ileng a tshosetsa lehlatsipa le dilemo tse 14 ka thipa haufi le borokgo motseng wa Hasethunya leho mohulela lengopeng le haufi moo a ileng a mo beta.
Ha ditaba di sa le mothating ona lekgotla le mo ahloletse dilemo tse 36 tjhangkaneng bakeng sa peto tseo eleng dilemo tse 18 molato ka mong.
