Ka Teboho Moloi
QWAQWA-Modulasetulo wa lekgotla la naha la taolo ya dikolo (SGB ) Matakanye Matakanye, o re e bang lekgotla leka fumana mosuwehlooho wa sekolo se phahameng sa Dikwena Qwaqwa Joseph Nhlapo molato ka polao, bona e le SGB batlo kgothaletsa ho nyaolwa ha hae ka ho panya ha leihlo le ho hlakolwa lenaneong la mesuwe ya naha ena.
Nhlapo ke moqusuwa wa pele nyeweng ya polao ya monna ya dilemo di 27 Mpho Mokoena, eo setopo sa hae se fumanweng haufi le sekolo sena motseng wa Namahadi.
Ho ya ka seponesa, ho tlalehilwe Mokoena a ile a tetekwa ke sehlopha sa batho, ba neng ba moqosa ka boshodu ba dijo tsa sekolo.
Nhlapo le baqusuwa mmoho le yena ba robong, baile ba hlahella ka makgetlo a mabedi kapela mmaseterata Phuthaditjhaba, mme ba lebetswe ho boyela ba hlahella hape ka Labobedi 27 Motsheanong.
Matakanye o re ele SGB bana le kutlwisiso ya tsamaiso ya mehato ya molao makgotleng a dinyewe mme e bang lekgotla le sa mofumane molato batlo emela ditsamaiso tsa kgalemo tsa lefapha.
“Kannete e bang lekgotla leka mofumana a le molato o loketswe a hlakolwe hang-hang lenaneong la SACE, hore le mohlang a tswang ditlamong a sebe le monyetla wa hoka sebetsa dikolong le bana,”ho rialo Matakanye.
Nyewe ena e fuputswa ke lefokisi ho tswa seteishining sa Namahadi Cst/Detective Mahlatsi Namane.
