Ka Teboho Moloi
QWAQWA -Motlatsi wa letona ho tswa kantorong ya mopresidente Seiso Mohai o re ho jalwa ha difate ele ho keteka beke ya kgothaletso ya ho jalwa ha difate, ha eya lokela ho nkelwa fatshe haholo nakong ena ya ho feto-fetoha ha maemo a lehodimo.
Mohai o tobakeditse nthla ya hore botala ka mehla bo bontsha tshepo ya bophelo mme ho bohlokwa hore bophelo bo bolokwe kajeno.
“Tjalo ena ya kajeno ya difate ke karolo ya ho nahanela bokamoso ba naha ena, ka lebaka la maemo a hajwale a leholimo,”Mohai.
O re le hafeela ho fetoha hona ha maemo a lehodimo, ditsibi di ne di etse tlhlokomediso, mathata a mang a bakilwe ke ho hloka maikarabelo a tse ding tsa dinaha tse tswetseng pele.
“O tla tlameha ho ela hloko hore ha maemo a lehodimo a fetoha ka sekgahla kantle ho di tlwaelo a tlisa mathata hara baahi le maemo a matjha a thathafatsang maphelo a bona,”ho rialo letona.
O hlotse dihora a jala difate le moifo wa hae, o no kenyeletsa majoro wa Maluti A Phofung Malekula Melato, matona ho tswa kantorong ya ramotse, basebeletsi ba mmuso, botsamaisi ba sekolo sa Thiboloha le barutwana ba teng ho potoloha le jarete ya sekolo sena.
Ditsebi di hlalosa ha ntle le ho thusa ka ho nehelana ka moya o hlwekileng bakeng sa ho hema, hoba le hae bakeng sa diphoofolo difate di bapala karolo e kgolo ho thibeleng ho baleha ha mobu wa lefatshe.
Majoro Melato o hateletse bohlokwa ba ho jalwa hadi fate le thlokomelo ya tikoloho.
O ipileditse ho bao bantseng ba senya tikoloho ka tsela ya ho tjhepa mekotu hohle ba etsa dikgwebo tsa di sand le ho tjhesa di onto tsa ditene ho ela hloko hore seo se baka kotsi tikolohong.
“Eya kea dumela hore menyetla ya mesebetsi esale phepetso e kgolo empa ha rea lokela ho theha mesebetsi ka tsela ele hore hosasa maphelo a bana aba kotsing,” Melato.
Ke mefuta e fapaneng ya difate e 35 e jetsweng mohla letsatsi leo.
