Ka -Teboho Moloi
QWAQWA- Sebuhudi sa mehleng sa ditaba sa seyalemoya Tsietsi “Navigator” Msimanga(31) ebile ele mothehi le mohlophisi wa tlhodisano ya bolo ya maoto ya selemo le selemo ya Navigator soccer tournament ore monongwaha batlo eketsa palo ya dihlopha tse tlonka karolo.
Monongwaha thlodisano tsena ditlo keteteka dilemo tse robedi haesale dine di thehwe le tse hlano tse ketekang letsatsi la hae la tswalo.
Hoya ka Msimanga hotloha ka la 30-31 Phato hotlo tshwara dithlodisano tsena lebaleng la dipapadi la Mamafubedu, moo dihlopha tse robedi ditlonka karolo.
“Sepheo ke ho lwantsha tshebediso empe ya dithithifatsi, tai,ho phutha batjha mebileng le ho hlaisi ditalente tsa batjha,” horialo Msimanga.
O re thlodisanong ena batlo bapalla dikete tse tharo , mme ka Tsitwe batlo bapalla dikete tse mashome a mahlano R50 000.
Ka Tshitwe dipapadi tsena ditlonka matsatsi a leshome le metso e mehlano. “Tabatabelo yaka ke hobona ke hlaisitse dibapadi tse tla bapala liking tse kgolo tsa naha ena tsa bolo ya maoto, “ho oketsa Msimanga.
O re haesale ba thakgotse thlodisano tsena ba atlehile hontsha sebapadi se bapallang liki ya ABC hola Sasolburg, Kabelo Motaung
